Një aksident ka ndodhur pasditen e së mërkurës në aksin “Fier-Vlorë”, në fshatin Ferras.
Një automjet ka përplasur një 70-vjeçar që udhëtonte me biçikletë duke e lënë të vdekur. Trupi është gjetur nga banorët e zonës të cilët kanë njoftuar Policinë dhe shërbimin mjekësor.
Raportohet se drejtuesi i automjetit që ka shkaktuar aksidentin është larguar nga vendngjarja, ndërkohë që nuk dihet ende identiteti i viktimës.
Në vendngjarje ka shkuar policia e cila po kryen ekspertizën dhe është vënë në kërkim të drejtuesit të automjetit që ka shkaktuar aksidentin me vdekje.
/a.r
