Një aksident tragjik ka ndodhur mëngjesin e sotëm në rrugën e Kamzës, ku dy persona kanë humbur jetën, ndërsa dy të tjerë janë plagosur.
Policia bën me dije se një makinë e drejtuar nga një Roza Koleci, humbi kontrollin dhe përplasi 4 persona, një të ri me biçikletë dhe nënën me dy vajzat.
Për pasojë, ka humbur jetën 29-vjeçari me biçikletë me iniciale Ramazan Isha dhe vajza e mitur 7-vjeçare.
Ndërsa e mitura tjetër 6 vjeç dhe nëna e saj Valbona Ndreu 29 vjeç ndodhen në spital, ku në gjendje më të rëndë paraqitet e mitura.
Policia e Tiranës sqaron se makina me targa AA 071 UA humbi kontrollin dhe përplasi fillimisht 29-vjeçarin me biçikletë. Më pas mjeti goditi bordurën dhe tre këmbësorët, nënën me dy vajzat e mitura.
a.ç
