Një aksident është raportuar në orën 18:40 të ditës së sotme në zonën e “Ali Demit”, në Tiranë.
Burimet zyrtare policore thonë se një makinë ka përplasur një motor në ecje.
Për pasojë, drejtuesi i motorit, shtetasi A.L., 39 vjeç, ka mbetur i lënduar. Ai është transportuar menjëherë në spital për shkak të plagëve të marra.
Po ashtu, është shoqëruar në komisariat shoferi i makinës, L.S., për t’u pyetur mbi rrethanat e ngjarjes.
Grupi hetimor dhe shërbimet e Policisë ndodhen në vendngjarje,m dhe vijon puna për zbardhjen e rrethanave të aksidentit.
/a.r
