Një aksident ka ndodhur pasditen e sotme në Cërrik, ku për pasojë janë plagosur pesë persona.
Sipas policisë, aksidenti ka ndodhur në vendin e quajtur “Kryqëzimi i Yllit”, ku mjeti me drejtues 38-vjeçarin me inicialet J.Ç., ka dalë nga rruga duke përfunduar në një lokal.
Për pasojë janë plagosur lehtë pesë persona që po drekonin në lokal. Menjëherë pas aksidentit, shoferi i automjetit është larguar nga vendngjarja, por u ndalua më pas nga policia.
Njoftimi i policisë:
Cërrik
Në vendin e quajtur “Kryqëzimi i Yllit”, Cërrik, drejtuesi i mjetit J.Ç., 38 vjeç, nga Cërriku, ka humbur kontrollin e automjetit dhe ka dalë nga rruga duke përfunduar në një lokal.
Për pasojë janë lënduar jashtë rrezikut për jetën 5 persona, që ishin duke drekuar në lokal.
Menjëherë pas aksidentit drejtuesi i automjetit është larguar nga vendi i ngjarjes, por falë reagimit në kohë të Policisë është ndaluar dhe është shoqëruar në Komisariatin e Policisë Elbasan, për veprimet e mëtejshme.
Grupi hetimor po punon për sqarimin e rrethanave të aksidentit. Policia e Elbasanit u apelon gjithë drejtuesve të mjeteve të respektojnë rregullat e qarkullimit rrugor!
g.kosovari
