Një aksident rrugor është regjistruar ditën e sotme në aksin Vlorë–Peshkëpi, ku janë përfshirë dy automjete.
Si pasojë e përplasjes, një person ka mbetur i plagosur dhe është transportuar menjëherë në spital për kontroll mjekësor.
Sipas të dhënave paraprake, automjetet kanë dalë nga rruga dhe janë përmbysur në lumin e Vlorës. Brenda njërës prej makinave ndodheshin katër persona, të cilët kanë pësuar dëmtime të lehta.
Policia ka mbërritur në vendngjarje dhe po punon për sqarimin e rrethanave dhe shkaqeve të aksidentit. Dyshohet se shpejtësia e lartë ka qenë faktori kryesor që çoi në këtë ngjarje.
