Një aksident ka ndodhur sot në aksin rrugor Sarandë-Qafë Muzinë, me pasojë plagosjen e dy personave. Ngjarja është shënuar në vendin e quajtur “Kthesa e Bistricës”, ku automjeti furgon tip “Mercedes Benz” ka dalë nga rruga.
Për pasojë, ka pësuar lëndime drejtuesi i mjetit shtetasi S.P., 50 vjeç, banues në Tiranë, dhe një shtetas tjetër pasagjer. Policia bën me dije se shkak i aksidentit është bërë lagështia në rrugë, ku për pasojë drejtuesi i mjetit ka humbur kontrollin dhe ka dalë nga rruga.
Ndërkohë, uniformat blu kanë mbërritur menjëherë në vendngjarje dhe njoftojnë se dy shtetasit e plagosur janë në gjendje të mirë shëndetësore.
Gjithashtu, aksidenti nuk është bërë pengesë për qarkullimin e mjeteve në këtë aks rrugor, pasi policia bën me dije se ai vijon normalisht dhe pa probleme.
Ndër të tjera, policia iu bën thirrje të gjithë drejtuesve të mjeteve të bëjnë kujdes gjatë lëvizjes së tyre në këto akse rrugore, për shkak të lagështirës së rrugëve.
a.ç
