Një aksident i rëndë është regjistruar sot në Qafën e Muzinës, ndërsa për pasojë shoferja ka humbur jetën. Mësohet se një automjet me targa greke ka dalë nga rruga, ndërsa ende nuk janë të qarta rrethanat e aksidentit.
Policia ndodhet në vendin e ngjarjes.
NJOFTIMI I POLICISE
Rreth orës 11:30, në vendin e quajtur Qafa e Muzinës, Sarandë, shtetasja E. B., 50 vjeçe, duke drejtuar automjetin tip “Hyundai” dyshohet se ka humbur kontrollin dhe ka dalë nga rruga.
Si pasojë e aksidentit shtetasja E. B, ka ndërruar jetë, në vendngjarje.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
/a.r
