Deputeti i Partisë Socialiste Pandeli Majko reagoi në facebook pas miratimit të reformës në drjetësi. Ai shkruan se miratimi i saj ishte si një terapi ndaj frikës për reformën. Sipas Majkos, reforma nuk ishte një produkt i plotë “sovran”, por pa ndihmën e partnerëve euro-amerikan ajo nuk do të mund të ishte finalizuar.
Ja postimi i plotë i Majkos:
I kënaqur me votimin e Reformës së Drejtësisë. I vetëdijshëm se ishte larg të qënit produkt i plotë i politikës sonë “sovrane”. Pa forcën e miqësisë amerikane dhe insistimin europian, mungesa e përgjegjësisë ishte një hap larg triumfit. Votimi i Reformës ishte edhe një terapi për frikën ndaj saj. Falenderim për të gjithë ata që ndihmuan.
Sot, një ditë e re për Shqipërinë.
