Pandeli Majko ka kujtuar 7 prillin, ditën e pushtimit të Shqipërisë nga ana e forcave fashiste italiane. Deputeti socialist e ka etiketuar këtë ditë si një “ftesë” të heshtur për këdo, që i kujton gjithsecilit se në rast të udhëkryqeve, zgjedhja e duhur është vetëm Shqipëria.
Postimi i plote
Kjo është një foto që “godet” më shumë se sa 7 prilli i pushtimit fashist. Ajo paraqet betimin e Gardës së ushtrisë shqiptare të kohës në Romë, në Maj 1939… një muaj pas invazionit të vendit.
Padyshim, cdo ngjarje ka kontekstin e vet. Ajo që dëshiroj të kujtoj sot janë ata përfaqësues ushtarakë dinjitozë si Mujo Ulqinaku të cilët kundërshtuan me armë pushtimin e vendit.
Kujtesë dhe respekt, megjithëse ju duhet shkruajtur emri në një pllakë mermeri, me nderim, atyre ushtarakëve që nuk pranuan të betoheshin atë ditë në Romën e kësaj fotoje.
POR… Një nderim dhe përulje të vecantë për ata që morën armët dhe luftuan për clirimin e atdheut nga pushtuesit nazi-fashistë deri në clirimin e tij.
Në histori duhet të dish të zgjedhësh edhe kur ka kosto.
7 prilli na vjen cdo vit si një “ftesë” e heshtur për cilindo, se në cdo rast e udhëkryq, zgjedhja është vetëm Shqipëria. Kush zgjedh Atdheun përballë pushtuesit ka falje në cdo kohë.
