Mesfushori i Leicester City-t, Riyad Mahrez, ka paralajmëruar se ka gjasa që ai të largohet këtë verë nga kampioni anglez. Algjeriani, që ishte fytyrë kyçe në suksesin e “Dhelprave”, ka qenë i lidhur me një largim drejt Arsenalit.
Gjithsesi, ai thotë se gjithçka mund të ndodhë para nisjes së sezonit të ri. “Sezoni shkoi shumë mirë. Siç e dini, kemi fituar ligën dhe është shumë e rëndësishme. Është e mrekullueshme. Sigurisht që është sezoni më i mirë në karrierën time.
Është e mrekullueshme të dëgjoj se klubet tjera më kanë kërkuar, dhe siç kam thënë asgjë s’është arritur. Asgjë nuk ka përfunduar.
Për momentin, nuk kam një vendim. Do të shohim. Është e mundur që qëndroj, është e mundur që largohem. Do të shohim”, ka thënë Mahrez në një ngjarje të “Nikes” në Paris, transmeton koha.net.
Mahrez iu bashkua Leicesterit në vitin 2014 nga Le Havre. (b.an)
