Atletico Madrid eliminohet nga Kupa e Mbretit.
Skuadra e Diego Simeone-s ka barazuar 3-3 takimin e kthimit të 1/8-ve kundër Girona-s dhe i ka thënë lamtumirë kompeticionit të dytë më të rëndësishëm në Spanjë.
Girona, pas barazimit 1-1 të marrë në takimin e parë, ka befasuar bardhekuqtë edhe në “Wanda Metropolitano” me golin e shënuar nga Doumbia 2 minuta para fundit.
Sfida mendohej se ishte mbyllur në minutën e 84-t, kur Griezmann ka kaluar në avantaz 3-2 të tijtë me një realizim spektakolar.
Kjo është hera e parë në histori që Girona kualifikohet në çerekfinalet e Kupës së Mbretit.
/a.rada
