Policia e Shtetit vijon operacionet anti-cannabis në të gjithë vendin.
Rreth 200 forca policore po vijojnë kontrollet mbi bazën e informacioneve policore dhe operative që disponon Policia për evidentimin dhe goditjen e vendmagazinimeve të bimëve narkotike, si dhe për goditjen e trafikimit të lëndëve narkotike.
6 operacione janë zhvilluar në 24 orët e fundit .
Operacionet: 1 në Tepelenë, 2 në Memaliaj, 1 në Shkodër , 1 në Vlorë dhe 1 në Lezhë.
Arrestohen 4 shtetas si dhe shpallet në kërkim 1 tjetër.
Sekuestrohen 371 Kg Cannabis Sativa në Shkodër, Lezhë, Vlorë, Tepelënë e Memaliaj.
Evidentohen 4 kapanone që shërbenin për tharje të bimëve narkotike në Tepelenë dhe Memaliaj.
Asgjësohen gjatë tre operacioneve në Tepelenë dhe Memaliaj 7.500 bimë narkotike në proces tharje dhe përpunimi.
Po vijon puna për evidentimin dhe kapjen e autorëve të tjerë të përfshirë në këtë veprimtari kriminale./a.m.
