Zbardhen detaje të reja nga aksioni i policisë në Korçë, ku u zbulua një magazinë me lëndë narkotike.
Sipas informacioneve, mësohet se në kërkim është shpallur Sadriano Duçi, 38-vjeç. Dyshohet se ky i fundit ka edhe rolin kryesor të organizimit të magazinës.
Magazina me kanabis në Korçë u zbulua pas rreth gjashtë muajsh hetimi ndaj grupit kriminal.
Në prangat e policisë kanë përfunduar shtetasit: Gentian Guri, Andon Demirshan, Anesti Burda dhe Redion Hamitaj.
Sipas policisë, bëhet me dije se sasia e lëndës narkotike shkon rreth 195 kg canabis sativa të bërë gati për shitje, ndërsa më tepër se 100 rrënjë janë canabis i njomë me boçe dhe kërcell.
Nga ana tjetër po hetohet nëse ka persona të përfshirë nga qarku juglindor dhe qarqe të tjera që dyshohet të ketë ardhur lënda narkotike në fshat.
Gjithashtu, në ambientet e magazinës, u kapën në flagrancë 3 gra për të cilat nisi procedimi në gjendje të lirë, për veprën penale “Moskallëzimi i krimit”.
