Gjykata e Krimeve të Rënda ka dhënë masat e sigurisë duke lënë në burg 5 nga 11 personat e arrestuar në laboratorin e drogës në Derven të Fushë Krujës, ndërsa ka liruar 16 vjeçarin me iniciale E.N. Para gjykatës të ndaluarit janë shprehur se kushtet ekonomike i kanë detyruar të pranojnë ofertat e Kujtim Rexhepit për të punuar në kapanonin ku u gjet dhe sekuestruar 1.3 ton drogë e gatshme për t’u hedhur në treg.
“Pranuam të punonim në fabrikën e drogës për shkak të kushteve të këqia ekonomike”. Kështu rrëfyen para togave të zeza, 2 nga 11 të arrestuarit nga Policia e Shtetit gjatë operacionit ku u zbulua laboratori i drogës në Derven të Fushë Krujës.
Besmir Vathi ishte punëtorë në laborator dhe shpesh herë kryente dhe rolin e rojës në magazinë. Sipas tij, në fabrikën e drogës në Derven punonte për shkak të kushteve ekonomike të dobëta dhe për të ndihmuar familjen.
Të njëjtin qëndrim mbajti dhe Fatos Sulaj, 45 vjecari nga Burreli të cilin në laboratorin e Drogës e kishte punësuar Kujtim Rexhepi duke i kërkuar të punonte aty për 4 deri në 5 ditë. Sulaj tha madje që as nuk e njihte bimën që e paketonte në arka.
“Pranova të punoj prej kushteve ekonomike, kam një fëmijë invalid dhe me lekët që merrja aty bleja ilaçe për djalin. z.Gjykatës unë nuk e disa se ç farë bime ishte, ditën e fundit kam mësuar se ishte drogë dhe Rexhepi personi që më punësoi e ndante punën na kërkoi ti vendosim nëpër arka. Unë aty nuk njihja asnjë edhe bukën e merrnim me vete kur futeshim në kapanon”.
Me këtë dëshmi Sulaj kërkoi masë sigurie detyrim paraqitje por për të u pranua kërkesa e prokurorisë duke caktuar arrest me burg. Arrest me burg u caktua dhe për 18 vjeçarin Besmir Vathi. Ndërkohë nga hetimet personi që ka tentuar të djegë bimën narkotike për të mos u diktuar nga policia në momentin e arrestimit të dy personave të parë të këtij grupi ka qenë Erion Vathi.
Arrest me burg u vendos dhe për Ali Kuçin ndërsa për të miturin 16 vjeçar me iniciale E.N gjykata caktoi masën e sigurisë detyrim paraqitje. Të shtunën para gjykatës pritet të dalin të konsideruarit organizator të këtij grupi kriminal dhe investitor të laboratorit të kanabisit përfshi pronarin e magazinës Kujtim Rexhepi, , Erald Bardhoku, Gazmir Gjokea, Nilson Gega, Gjovalin Gjokea, Aurel Gjokeja.
Ky operacion rezulton të jetë bërë nga policia e shtetit në bazë të informacioneve operative dhe është ndërhyrë në laborator rreth orës 20:00 të mbrëmjes së 18 tetorit e më pas materialet i janë referuar prokurorisë e cila ka regjistruar procedimin penal. Në këtë operacion u sekuestruan 1.3 ton kanabis, 4 armë zjarri, 4 automjete dhe u prangos 11 të dyshuar.
ma.me
