“Ora e z. Maduro po mbaron dhe ne po dalim nga kjo situatë me një minimum gjakderdhjeje. I gjithë vendi duhet të bashkohen për të kërkuar fundin e regjimit”, shkroi Juan Guaidó për The New York Times.
E nga ana tjetër, Maduro i cili e di se kërcënimi i tij më i madh vjen nga jashtë, iu drejtua amerikanëve me fjalët: “Nëse sulmoni, do ta pësoni më keq se në Vietnam.”
Jeremy Hunt, ministër i Punëve të Jashtme të Mbretërisë së Bashkuar, foli me Guaidon, duke i thënë se ai shpresonte që vendet perëndimore do ta mbajnë lart presionin mbi Maduron për zgjedhje të lira të organizuara në katër javët e ardhshme. Dhe se ka një vullnet në Perëndim, dëshmohet me vendimin e Parlamentit Evropian që miratoi së fundi një rezolutë ligjërisht jo-detyruese që e njeh Guaidon si kreun përkohshëm të shtetit.
Por një prej mbështetjes më të fortë për Maduron erdhi nga Bashkimi Europian, sepse pak ditë më parë partia qeverisëse greke Syriza tha se mbështet presidentin socialist. Guaido vetë shkroi në kolonat e NYT se ai “ka nevojë për mbështetjen e qeverive, institucioneve dhe individëve pro-demokraci në mbarë botën”.
“Kam filluar me procesin e rekrutimit të ambasadorëve dhe gjetjen e vënien në funksionim të aseteve kombëtare jashtë vendit”, ka shkruar Guaido pastaj ka sqaruar planet e tij të brendshme.
“Në mesin e politikanëve të opozitës kemi mbledhur tre pikë strategjike: fundin e uzurpimit, një qeveri kalimtare dhe zgjedhje të lira”, shkruan lideri i ri i opozitës Venezuelës. Por fjalia më e rëndësishme që Guaido shkruan për NYT lidhet me negociatat e tij me forcat e sigurisë
“Ne mbajtëm takime sekrete me pjesëtarë të ushtrisë dhe forcave të sigurisë. Ne ofruam një amnisti për të gjithë ata që nuk do të shpallen fajtorë për një krim kundër njerëzimit. Tërheqja e mbështetjes ushtarake për Maduron është vendimtare në ndryshimin e regjimit”, shkroi Guaido.
Nga ana tjetër, Maduro u tha amerikanëve të mërkurën se një ndërhyrje ushtarake do të mund “t’u risillte Vietnamin më keq sesa mund ta imagjinonin”.
Publiku ndërkombëtar tani është duke pritur për atë që do të ndodhë në fundjavë, sepse protesta të reja të mëdha janë shpallur kundër Maduros.
/a.meta
