Ministri i Brendshëm francez Gérald Darmanin ka thënë se rreth 45,000 policë do të vendosen edhe sonte në disa qytete të Francës, pas protestave për vrasjen e 17 vjeçarit.
Ai konfirmoi se përforcime po dërgoheshin në qytetet Marseille dhe Lyon pasi zyrtarët atje kërkuan ndihmë shtesë.
Nuk është e qartë nëse këto përforcime janë shtesë për 45,000, apo nëse autoritetet thjesht po zhvendosin policinë në Marsejë dhe Lion nga vende të tjera.
Macron shtyn vizitën në Gjermani, kryeministrja franceze nuk përjashton shpalljen e gjëndjes së jashtëzakonshme
Presidenti i Francës, Emanuel Macron mori vendim për të shtyrë vizitën në Gjermani. Vetë presidenca gjermane shpërndau informacionin
Macron pati një bisedë telefonike me presidentin gjerman Frank-Walter Steinmeier dhe e informoi për situatën në vendin e tij. Presidenti Macron kërkoi shtyrje të vizitës së tij të planifikuar shtetërore në Gjermani” thuhet në njoftimin e medias.
Ende nuk është caktuar data se kur do të mbahet vizita por pallati Elysee informoi se Macron ka shprehur dëshirën për të qëndruar në Francë në ditët në vijim
,Ndërkohë kryeministrja franceze Elisabeth Borne bëri të ditur se opsioni i vendosjes së gjendjes së jashtëzakonshme nuk përjashtohet më. Prej ditës së djeshme nëpër rrugët e Francës kanë dalë autoblindat ndërsa janë anuluar të gjitha aktivitetet dhe koncertet.
Edhe OKB-ja i bëri thirrje Francës që “të trajtojë seriozisht problemet e racizmit dhe diskriminimit social brenda forcave të rendit”./m.j
