Vrasja e gjyqtares Fildeze Hafizi nga ish-burri i saj, ka zbuluar edhe neglizhencën e sistemit të drejtësisë që e la nënën e dy fëmijëve në mëshirë të fatit. Pas vrasjes së saj, u zbulua letra që e ndjera i kishte dërguar ambasadorit amerikan nga i cili kërkonte mbrojtje, pasi nuk gjeti mbështetje nga kolegët e saj gjyqtarë.
Veç një dënimi të vogël që u dha nga drejtësia për ish-burrin në tentativën e parë për vrasjen e saj, skandali u thellua edhe më tej kur ai përfitoi nga amnistia.
Të gjendur nën presion nga Fadil Kasemi, edhe prindërit e Fildesit bënë përpjekje për të mbrojtur vajzën e tyre. Babai i saj, në vitin 2016 i ishte drejtuar me një letër Ministrit të Drejtësisë së asaj kohe Ylli Manjani.
“Merreni në mbrojtje Fildesin, jeta e saj është në rrezik”, i shkruante ai mes të tjerash raporton Balkanweb./a.m.
