Lydia, 12- vjeçarja që ia kalon nga inteligjenca edhe Albert Einstein
Lydia Sebastian është cilësuar si vajza me kuotën më të lartë të inteligjencës, në sajë të rezultatit të arritur në testin Mensa. Mensa është një shoqatë internacionale, një lloj klubi elitë, ku bëjnë pjesë 2% e njerëzve në botë, me nivel të lartë inteligjence (QI). Që të pranohesh në grupin e tyre, duhet të marrësh të paktë 148 pikë, një test që certifikon inteligjencën e aspiruesve ‘mensianë’. Rezultati i vajzës 12-vjeçare është pikërisht 162 pikë.
Prej më shumë se një viti, Lydia u kërkonte prindërve që ta lejonin të bënte testin; në fund nëna dhe babai i saj, e lejuan vajzën që të studionte gjatë pushimeve verore dhe në fund të testit ajo mori 162 pikë. Bëhet fjalë për një rekord të vërtetë; rezultati i saj, është më i lartë se ai i Albert Einstein e Stephen Hawking, dy gjeni absolutë të fizikës.
“Në fillim isha vërtetë nervoze, por pashë që ishte shumë më e lehtë se sa e mendoja. Ishte një goditje e bukur ajo që bëra”, tregon Lydia me entuziazëm. Menjëherë pas provës, vajza u rrethua nga një turmë të rriturish, kuriozë dhe ekspertë, të gjithë duke bërë tifo për atë që të futej në klubin e gjenive. Babai krenar i Luydia-s, radiolog në spitalon Colchester, tregoi se bashkëshortja e shtyu të bijën që t’i nënshtrohej testit, pasi e kishte dëgjuar që të fliste prej muajsh.
“Kur mora vesh që kishte marrë maksimumin e pikëve, u trondita. Nuk besoja se ajo do të arrinte që të mundte Einstein dhe Hawking”. Lydia ka nisur që të flasë që kur ishte gjashtë muajsh, i bie violinës që në moshën 4-vjeçare dhe lexoi tre herë ciklin prej 7 librash të romanit të Harry Potter.
