Kryetarja e KQZ ka dhënë një deklaratë për mediat në menjëherë pas fillimit të procest zgjedhor. “Akoma nuk kemi informacion në të gjithë vendin nëse të gjitha qendrat e votimit janë hapur, por do të kemi informacionin sapo të kemi materialet e duhura”, tha kryetarja e KQZ, Lefterie Luzi
Lidhur me hapjen e qendrave të votimit në Kurbin, Luzi tha se informacionin do ta marrim pak më vonë , por kryesore është fakti që baza materiale që ishte problematike deri në orët e vona të natës është shpërndarë në të gjithë Kurbinin.
E pyetur se, nga ana e PD-së ka një deklaratë se nuk do të lejohen të votojnë ata zgjedhës në Kavajë dhe Durrës që janë gjetur dhe janë pretenduar se janë zgjedhës fiktivë në këto lista, kryetarja Luzi theksoi se ” kjo ështe një deklaratë e një subjekti zgjedhor, nuk ka asnjë bazë ligjore për të bërë një gjë të tillë rë mundshme për faktin se KQZ tashmë ka vendosur dhe vendimmarrja e tij është e detyrueshme për t’u zbatuar nga të gjithë.
Kryetarja e KQZ-së i bëri thirrje të gjithë qytetarëve shqiptarë të shkojnë të gjithë pranë qendrave të votimit pasi këto zgjedhje jane testi i radhës për të ardhmen e Shqipërisë.
“U bëj thirrje grave, të cilat duhet të jenë pjesë e procesit të votimit edhe për një arsye më shumë, pasi përfaqësimi i tyre në Këshillat Bashkiakë do të jetë 50 për qind, si dhe votuesve për herë të parë, të cilët këtë radhë do të jenë pjesë e procesit të së ardhmes së Shqipërisë, kështu që vota e tyre do të jetë e rëndësishme”, tha Luzi, duke uruar që këto zgjedhje të mbyllen me sukses, ashtu sikurse edhe shqiptarët e kanë bërë gjithmonë me qytetari.
