Dy vëllezër kanë tentuar të vjedhin një lokal gjatë ditës së sotme në lagjen “Loni Dhamo” në qytetin e Lushnjes. Sipas policisë u arrestuan Arjan dhe Andrea Tabaku 49 dhe 45 vjeç.
Ndërsa një person i tretë, Ilir R. 38 vjeç u arrestua për veprën penale “moskallëzim krimi”.
Policia thotë përmes një njoftimi zyrtar, se dy vëllezërit, në bashkëpunim me njëri-tjetrin kanë tentuar të vjedhin me dhunë në lokalin e shtetasin E.S.
Fillimisht kjo ngjarje u raportua në media se kishte pasur edhe konflikt me armë, por sipas policisë ka pasur vetëm përplasje fizike mes pronarit dhe dy vëllezërve, të cilët dyshohet të kenë qenë në gjendje të dehur. /Gazeta Express/
