Një 24-vjeçar ka rënë në prangat e policisë, pasi iu gjet një sasi kokaine në makine. Burime zyrtare nga policia e Fierit thane se shtetasi me inicialet V.D., banues në Lushnje, u kap nga shërbimet e patrullës duke drejtuar automjetin tip “Toyota” i pa pajisur me leje drejtimi.
Të njëjtat burime sqaruan se gjatë kontrollit në mjet të riut iu gjetën 2 doza me lëndë narkotike e dyshuar kokainë.
“Drejton automjetin i pa pajisur me leje drejtimi, si edhe gjatë kontrollit i gjendet lëndë narkotike Kokainë, arrestohet në flagrancë nga policia rrugore.
Specialistët e Sektorit të Policisë Rrugore në Drejtorinë Vendore të Policisë Fier, arrestuan në flagrancë shtetasin:
- V.D., 24 vjeç, banues në Lushnje.
Arrestim i këtij shtetasi u bë pasi është kapur nga shërbimet e policisë duke drejtuar automjetin tip “Toyota” i pa pajisur me leje drejtimi, si dhe gjatë kontrollit në mjet i janë gjetur 2 doza me lëndë narkotike e dyshuar kokainë”, thuhet ne njoftimin e policisë.
