“Martohem këtë javë, më takon 5 ditë leje, por drejtoresha nuk e firmos se ka dhënë urdhër ministri”, ka deklaruar Lumturie Hasa. Duket se kjo kronikë një ditë më parë në Top Channel, mund t’i sjellë lumturinë e martesës Lumturi Hasës.
Ministri i Shëndetësisë Arben Beqiri përmes një njoftimi publik ka lënë të kuptohet se infermierja që punon në një qendër shëndetësore në Tiranë do të mund të shijojë muajin e mjaltit.
Por vetëm me lejen personale të ministrit. Pasi në këtë periudhë zgjedhjesh mund të martohesh vetëm me leje të kryetitullarit. Ministria e Shëndetësisë shpjegon se urdhri i ministrit pezullon vetëm pushimet vjetore të paplanifikuara dhe nuk citon kufizime apo ndalime për pushime të tjera të paguara siç është rasti i infermieres.
Në njoftim thuhet se kushdo që ka kërkuar leje pranë Ministrisë së Shëndetësisë për arsye të veçanta që nuk kanë lidhje me fushatën elektorale, nuk i është mohuar leja. Pra infermierja duhet te kërkojë leje te ministri qe ajo te martohet.
a.ç
