Kryebashkiaku i Tiranes, Erion Veliaj, komentoi sot dhe numrin e madh të kandidatëve që pritet të garojnë për kryetar bashkie në Tiranë.
Ai tha se fushatën e bën për njerëzit dhe jo për kundërshtarët politikë, duke theksuar se do ta marrë seriozisht si në ditën e parë.
“Në vitin 2019, kur shume veta prapë më thoshin: ‘Ore pse po sprapacohesh lart e poshtë’, përgjigja ishte atëherë, është edhe sot: Unë fushatën ose angazhimin e bëj për njerëzit dhe për të treguar dhe për te dhënë llogari, sepse besoj që atyre u detyrohem një shpjegim. Banaqeve, gazetarëve, politikanëve nuk i detyrohem asgjë. Janë në të drejtën e tyre të garojnë, të konkurrojnë, të komentojnë. E thashë edhe sot, detyra jonë nuk është t’u pëlqejmë të gjithëve, por t’u shërbejmë të gjithëve. Për hir të atyre që u shërbejmë u detyrohemi edhe shpjegime për punën që kemi bërë dhe atë që kemi në proces. 7-17-27 e marr njësoj seriozisht këtë punë si ditën e parë”, deklaroi Veliaj.
/e.d
