Kreu i Partisë Demokratike Lulzim Basha ka nje enderr, e cila po hyn ne vitin 9 dhe nuk po realizohet.
Tekjsa u shfaq sot në Kuvendin e PD si Martin Luther King Jr, Basha i bëri thirrje qytetarëve dhe mbështetësve të PD që të qëndrojnë të bashkuar kundër padrejtësive.
Njeheresh kreu i PD tha se ka ardhur koha që të rinjtë shqiptarë të përfaqësojnë Shqipërinë në institucione të BE-së, duke u shtuar se kjo është një ëndërr e tij që pritet të bëhet realitet shumë shpejt.
“Me vlerat që na dallojnë, të lirisë, konkurencës dhe hapjes, ne do të përsosim edhe më shumë Partinë Demokratike, jo vetëm për t’u përballur me regjimin, por për të qenë në lartësinë e premtimit të papërmbushur të dhjetorit 1990. Atë të Shqipërisë europiane.
Jemi ne që do ta bëjmë realitet këtë amanet, jemi ne partia që do të realizojë këtë aspiratë dhe do ta bëjmë duke i hapur rrugën brenda rradhëve tona atyre që i kanë prirë betejës së 25 prillit, të rinjve dhe të rejave.
Unë do të jem përherë mirënjohës për angazhimin tuaj, është krenaria ime të shoh, se kemi midis nesh një brez të ri që është gati të bëhet ndryshimi që duan të sjellin në Shqipëri.
Ndaj jush, kemi një borxh të madh dhe ne duhet të jemi gati që këtij brezi të ri demokratesh dhe demokratësh t’u hapim dyert dhe zemrat, sepse në fytyrat e tyre guximtare është shkruar e ardhmja e familjes tonë politike dhe e ardhmja europiane e Shqipërisë.
Ne kemi nevojë për energjinë tuaj, ne kemi nevojë për krijimtarinë dhe vizionin tuaj, është koha që ju të merrni përgjegjësitë që ju takojnë! Sot kam një ëndërr që nuk e kam thënë më parë, të shohim të rinjtë e këtij vendi, të përfaqësojnë kombin tonë në familjen e madhe Europiane. Kjo do të jetë ora më e mirë e PD”, deklaroi Basha./m.j
