Partia Demokratike mban sot Kuvendin Kombëtar ku 7 500 delegatë janë thirrur sot në Pallatin e Kongreseve për të votuar këshillin e ri kombëtar si dhe për të vendosur rrugën ku do të ecin demokratët në këtë mandat të tretë në opozitë.
I pranishëm ishte edhe ish-kryeministri Sali Berisha ku së bashku me kreun aktual të Partisë Demokratike, Lulzim Basha kanë pasur një takim shumë miqësor me njëri-tjetrin, në nisje të punimeve të Kuvendit Kombëtar që po zhvillohet në ambientet e Pallatit të Kongreseve.
Siç shihet edhe nga fotot Berisha dhe Basha, i kanë shtrënguar dorën njëri tjetrit, dhe madje janë ulur edhe pranë e pranë në Pallatin e Kongreseve. Më këto foto Basha ka treguar qartë edhe qëndrimin e afërt, me ish-liderin e PD-së, pavarësisht se Berisha është shpallur ‘non grata’ dhe person i padëshirueshëm nga SHBA, për korrupsion dhe minim të demokracisë.
