Lulzim Basha thotë në një intervistë për “Mapo”, se të gjitha sondazhet e nxjerrin PD-në, si parti të parë në vend.
Ai thotë se për këtë, është duke bërë programin me CDU, për të ardhur në pushtet.
“Të gjitha sondazhet e nxjerrin sot Partinë Demokratike forcën e parë politike në vend, një fenomen që ka, të paktën, dy dekada që nuk ndodh në Shqipëri.
Ne po bëjmë gjithçka të bindim edhe elektoratin e pavendosur se PD është alternativa më e mirë për vendin. Dhe për këtë ne kemi hartuar një program ekonomik në bashkëpunim të ngushtë me ekspertët gjermanë të CDU-së dhe në konsultim të gjerë qytetarë.
Kemi gati platformën antimafia dhe antikorrupsion me të cilën çdo kush që ka futurt duart në pasuritë publike do t’ua kthejë mbrapsh qytetarëve, kemi paraqitur propozimet tona për garantimin e zgjedhjeve të lira dhe të ndershme.
Unë jam i vendosur të çoj përpara misionin tim për t’u dhënë shqiptarëve në qeverisje, modelin europian që meritojnë”, është shprehur ulzim Basha gjatë intervistës.
Nuk e dimë nëse ai e beson vërtet këtë gjë, apo kërkon t’i mbushë mëndjen vetes dhe të tjerëve, se PD është parti e parë në vend.
Sepse, siç e pranon edhe vetë, kjo nuk ka ndodhur pothuajse asnjëherë dhe PD me Lulzim Bashën, ka njohur vetëm humbje të thella në çdo palë zgjedhje.
Që të jetë parti e parë, duhet që PD të ketë bërë ndonjë lëvizje të fuqishme dhe frymëzuese.
Por, e vetmja lëvizje e Bashës, është ekspozimi mediatik i çunit të Fahri Balliut dhe Ervin Salianjit.
Nëse këta dy personazhe kanë frymëzuar njerëzit dhe e kanë kthyer PD-në, në parti të parë në vend, atëherë ly vend nuk do të kishte vërtet shpresë.
