“Ne kulmin e krizes, ne kulmin e deformimit te institucioneve per shkak te lidhjeve te pushtetit me krimin dhe korrupsionit dhe trafikun e droges, me një pazar tipik siç kanë mbyllur dhe çështjet e tjera po mbyllin edhe çështjen e Presidentit. Është kapitulli i fundit i Republikës së vjetër. Edhe loja e sotme në Parlament është një luftë e padobishme e çorbës së republikës së vjetër.
Ruci u ngarkua të bëjë rolin e kukullës ndërkohë që ishte dakordësuar zgjedhja e Presidentit. Në një restorant të Tiranës duke konsumuar shishe vere, duke vendosur të dy se kush do jetë Presidenti, në përjashtim total të interesat qytetar”, theksoi z.Basha. Kreu I PD-se mohoi të ketë patur marrëveshje me Ilir Metes duke e konsideruar nje genjeshter te stisur. Basha zbardhi arsyet pse opozita e refuzon meten si kryeminister.
“Të pranojmë Metën President konsensual do të thotë se jemi pjesë e farsës. Përshëndetjet e mia nuk i janë drejtuar asnjëherë Ilir Metës, por qëndrimeve të mbajtura. Nëse qëndrimi i LSI ishte për drogën dhe korrupsinin që kërcënojnë zgjedhjet e ardhshme dhe që nuk ka zgjedhje pa opozitën, është një qëndrim që është përshëndetur atëherë”, deklaroi kreu I PD-se.
Lulëzim Basha nuk bën paralele me Maqedoninë. I ftuar në emisionin “Opinion”, dhe i pyetur nga gazetari Blendi Fevziu për Maqedoninë është shprehur se janë dy situata krejt të ndryshme.
“Nuk ka asnjë paralele mes krizës në Maqedoni dhe Shqipëri. Destabiliteti është një fjalë e madhe që nuk na çon askund. Nga njëra anë kemi një krizë të provokuar nga publikimi i disa përgjimeve që çoi në zgjedhje të lira dhe të ndershme. Më pas erdhi konflikti nacionalist dhe etnik. Në Shqipëri po luftohet që të kemi zgjedhje të lira dhe të ndershme. Mospranimi i kauzës së zgjedhjeve të lira dhe të ndershme mbars me vete edhe rrezikun e destabilizimit. Ne jemi të vendosur të qëndrojmë deri në fitoren e kauzës së zgjedhjeve të lira dhe të ndershme që do të thotë që qytetarët të vendosin me votë” citohet Basha për “Opinion”.
