Luiz Adriano: Unë, Bacca dhe Balotelli çfarë sulmi!
Në një intervistë për “Gazzettta dello Sport”, sulmuesi i Milan, Luiz Adriano, flet për Balotellin, Bacca-n dhe Milanin. Braziliani nuk e quan çmenduri nëse luajnë të tre njëkohësisht.
Besojmë se e dini që te Milani ka një traditë të fortë brazilianësh. Jeni i shqetësuar apo i motivuar nga ky fakt?
“Objektivi im është të jem i rëndësishëm dhe të bëj një punë të mirë, ashtu si bëra në Donjeck. Brazilianët që kanë luajtur më parë te Milan më motivojnë për të dhënë maksimumin. Modelet e mia në futboll kanë qenë Cafu, Ronaldo dhe Emerson.”
Mbërritja e Balotelli ju ka gëzuar?
“Për ne është shumë i rëndësishëm. Mario është një futbollist i madh dhe do të na ndihmojë. Skuadra ka nevojë për kampionë të tillë. Personalisht më pëlqen të luaj me të edhe me Bacca sepse kanë cilësitë e duhura për t’u përshtatur me lojën time. Nuk do të ishte një çmenduri nëse luajmë të tre njëkohësisht.”
Për dyshen Bacca-Luiz Adriano është folur shumë…
“Me Carlosin ndihem shumë mirë. Bashkëpunimi po përmirësohet stërvitje pas stërvitje. Flasim shumë me njëri-tjetrin dhe mendoj se kemi gjetur gjuhën e përbashkët. Me kalimin e kohës do të përmirësohemi edhe më shumë.”
Si po e përjetoni klimën në qytet në prag të derbit?
“Jam shumë kurioz dhe i emocionuar për ndeshjen e së dielës. “San Siro” do të jetë një spektakël. Unë vij nga një kampionat që kur luante Dinamo me Shakhtarin ndalonte një komb i tërë. Edhe në Brazil kam luajtur në derbin e Porto Alegre mes Internacionalit dhe Gremios. Ajo ishte ndeshja e sezonit.”
Mihajlovic vlerëson mënyrën si luani, si sakrifikoheni kur topin e ka kundërshtari…
“Këtu te Milani luaj disi më i tërhequr seç kam bërë gjatë gjithë karrierës time. Thjesht ka të bëj me situata të provojmë në stërvitje. Në fillim e interpretoja ndryshe rolin e qendërsulmuesit, ndërsa tani duhet të përshtatem me ato që kërkon trajneri. Vetëm kështu mund të jem i suksesshëm.”
