Gjykata e Tiranës vendosi sot masen e sigurisë “Arrest në burg pa afat” për Imerli Avmeti, maqedonasi i arrestuar një ditë më parë në Tiranë.
Ndaj 46-vjeçarit nga Gostivari rendon akuza e pjesëmarrjes në ushtri, polici dhe formacione paramilitare të huaja. Ai dyshohet se ka luftuar në Siri me ISIS si dhe ka rekrutuar njerëz për të luftuar për ISIS.
Imerliu u kap gjate nje operacioni nga Drejtoria e Antiterrorit ne bashkepunim me Renean tek “Rruga e Barrikadave” në Tiranë.
Por si arriti policia shqiptare në gjurmët e Avmetit?
Më 13 Gusht 2016 Interpol maqedonas ka shpallUR urdhrin ndërkombëtar të arrestit ndaj Imerli Avmetit dhe 24 orë më pas më 14 shkurt ai u prangos në Tiranë. Avmeti rezulton të jetë mbajtur në vëzhgim prej më shumë se 2 javësh në Tiranë ku dyshohet se fshihej pas dijenisë që ai kish marrë se po hetohej nga autoritetet maqedonase.
Sipas të dhënave të siguruar nga Report Tv rezulton se për herë të fundit ligjërisht ai ka shkelur në territorin shqiptar më 3 gusht 2014 ku ka qëndruar për 4 orë për të dalë me autoveturë nga pika kufitare e Bllatës në ora 19:10 minuta.
Ndërkohë rezulton se Avmeti ka dhe 4 kalime të tjera të kufirit tokësorë Maqedoni-Shqipëri ndërmjet pikave kufitare të Qafë Thanës, Morinës e Muriqanit.
Avmeti dyshohet se ishte pikë kontakti e rëndësishme ndërmjet celulave të rekrutimit të luftëtarëve të xhihadit nga Shqipëria, Maqedonia dhe Kosova drejt Sirisë dhe pritet që zyrtarisht kjo akuzë ti komunikohet të martën para gjykatës shqiptare./a.m.
