Dy vëllezër kanë mbetur të plagosur mëngjesin e sotëm në tregun e Tapizës në zonën e Fushë Krujës. Burime nga Policia e Durrësit kanë bërë të dutur se, në orët e para të mëngjesit të sotëm në tregun e Tapizës, Fushë -Krujë, janë plagosur me armë zjarri tip pistoletë shtetasit:
K. F., 28 vjeç, dhe H. F., 41 vjeç, banues në Tiranë, vëllezër.
Për pasojë të plagosurit janë dërguar për në Spitalin Ushtarak Tiranë jashtë rrezikut për jetën.
Pasi janë njoftuar efektivët e Policisë shkuan menjëherë në vendngjarje dhe po mbledhin provat e nevojshme, me qëllim zbulimin e shkaqeve dhe zbardhjen e plotë të ngjarjes. Policia thotë se dy vëllezërit ishin tregtarë misri dhe gjatë shkarkimit të makinës në treg, janë sulmuar me armë nga dy grabitës. Policia njofton se vijon puna për identifikimin dhe kapjen e autorëve. (java / r.a)
