Kur duhen vetëm pak ditë në zyrtarizimin e Presidencës së Trump, një luftë e vërtetë ka shpërthyer mes tij dhe kreut të CIA-s Brennan i cili është në përfundim të mandatit.
Në një intervistë të ditës së djeshme në Fox News, John Brennan e ka këshilluar Presidentin e ardhshëm Trump që të jetë më i kontrolluar në përdorimin e rrjetit social dhe pasojat që shkrimet e tij në rrjet mund të kenë për sigurinë kombëtare.
“Trump duhet të kuptojë që loja shkon përtej atij si person… këtu bëhet fjalë për Shtetet e Bashkuara dhe për Sigurinë e saj nacionale. Ai do të ketë kohë që të veprojë, në vend që të flasë e shkruajë në twitter.”– ka thënë kreu i CIA.
Por përgjigja nuk ka vonuar shumë… dhe sigurisht, ka ardhur nga twitteri. Trump ka shkruajtur.
“Nuk e kuptoj plotësisht? Me të vërtetë nuk ka më keq se kaq… mjafton të shohësh Sirinë, Krimenë, Ukrainën dhe forcimin nuklear rus. Nuk është mirë! Mbase është ai autori i lajmeve të rreme?”
Dhe pikërisht këtu ka shpërthyer, pasi “lajmet e rreme” kanë të bëjnë me publikimet e javës së kaluar që thonin se ka dokumenta që i disponon Rusia kundër Trump, e me të cilat do ta shantazhojë në dobi të interesit rus.
Një ditë pasi ky dosier i publikuar nga BuzzFeed doli kudo, Trump postoi në rrjetin e tij social një sërë akuzash ndaj agjencive të inteligjencës amerikane, duke i bërë ato përgjegjëse për rrjedhjen e këtyre lajmeve të rreme siç i cilësoi ai… madje Trump ironizoi agjerncitë e inteligjencës duke i krahasuar me gjermaninë naziste. /java/a.k
