Aksioni ndaj informalitetit nuk do të prekë vetëm bizneset, por edhe fushën e transportit deklaroi Ministri i Transportit dhe Infrastrukturës Edmond Haxhinasto, i cili ka prezantuar paketën.
“90% e mjeteve janë të pakontrolluara, të paregjistruara që përbën në vetvete një evazion, prandaj do ta disiplinojmë këtë çështje.
Ky plan masash u miratua në mbledhjen e fundit të qeverisë, ka një kalendar specifik për zbatimin e tij duke nisur nga tetori.
Masat kanë të bëjnë me licencimin e subjekteve të angazhuar në transport”tha Haxhinasto.
Haxhinasto vazhdon më tej duke theksuar se “Qëllimi nuk është që të mbushet buxheti me gjoba apo taksa, por ta sjellim këtë sektor në normalitetit dhe t’i garantojmë qytetarëve një siguri dhe cilësi shërbimi”, deklaroi Haxhinasto.
Ministri i Transportit deklaroi se një bllok shumë i rëndësishëm i kësaj pakete është përmirësimi i shërbimit taksi.
“Të vendosur të respektojmë standardin e legjislacionit tonë për shërbimin taksi që të gjithë sektorët e transportit të kenë rregullat e tyre”përfundoi ai.
