13 ushtarë ukrainas në ishullin e gjarpërinjve, janë vrarë nga luftanija ruse në Detin e Zi. Ushtarët ukrainas nuk kanë pranuar të dorëzohen, ndërsa është publikuar edhe një komunikim audio mes palëve.
Analisti politik amerikan, Ian Bremmer, ka siguruar dhe ka publikuar një komunikim të shkurtër mes forcave ukrainase dhe forcave ruse para se këto të fundit të sulmonin një ishull të vogël të Ukrainës.
Në këtë pjesë të komunikimit, një rus lajmërohet nga një luftanije ruse: “Luftanija ruse këtu, përsëris. Ju sugjeroj që t’i dorëzoni armët dhe të kapitulloni. Ndryshe, do të hap zjarr. A kuptoni?”
Më pas, një ushtar ukrainas dëgjohet duke i thënë bashkëluftëtarëve të tij: “Kjo ishte. A t’i them që ta q*** veten?”
Një koleg ia kthen me ironi: “Për çdo rast.”
Ushtari ukrainas ia lëshon zërin pajisjes së komunikimit dhe thotë: “Luftanije ruse, shko q*** veten”.
Ishulli i vogël “Ostriv Zmiinyi” ndodhet afër kufirit të Ukrainës me Rumaninë. Raportohet se ishulli është marrë nën kontroll nga rusët, pas flijimit të 13 ushtarëve ukrainas. Një gjë të tillë e ka konfirmuar vetë Presidenti Volodymyr Zelenskiy.
last words for some incredibly brave ukrainians pic.twitter.com/cRYCzGRQtB
— ian bremmer (@ianbremmer) February 25, 2022
g.kosovari
