Gara për një vend në Champions League në Serie A është më e ashpër se kurrë sepse në lojë për 2 vende janë 3 skuadra Atalanta, Inter dhe Milan ndërsa shanse pothuajse minimale ka edhe Roma. Ndeshjen më të vështirë në letër e ka Interi që pret në San Siro Empolin që lufton për mbijetesën. Zikaltërve u duhet me çdo kusht fitorja ndërsa toskanëve u nevojitet minimalisht një barazim për të të shpresuar të mbijetesa edhe pse mund t’ia dalin edhe me humbje nëse Fiorentina mposht Genoan.
Ndeshje shumë më të lehta në letër kanë Milani dhe Atalanta që sfidojnjë Spalin dhe Sassuolon por pikërisht edhe pse luajnë ndaj skuadrave pa objektiva që e kanë siguruar mbijetesën dhe nuk luftojnë për zonën Europa League, fitorja nuk parashikohet e garantuar për bergamaskët dhe kuqezinjtë dhe arsyesja është e fortë, në lojë janë disa miliona euro më tepër me Sassuolon dhe Spal që synojnë vendin e 10-të në këtë sezon të Serie A.
Në fakt, sipas rregullores së shpërndarjes së parave për të drejtat televizive, gjithçka varet me renditjen finale të kampionatit, sa i përket edicionit 2019-2020. Kështu, vendi i dhjetë (Sassuolo aktualisht) sjell 6,3 mln euro, i 11-ti (SPAL) 5,5 mln euro, i 12-ti 5 mln euro, i 13-ti 4,6 mln euro dhe i 14-ti 4,1 mln euro.Praktikisht, në xhiron e 3 pikëve, janë pesë skuadra për vendin e dhjetë, pra për 2,5 mln euro më shumë . Sassuolo dhe SPAL duhet të mbrohen nga parakalimi i Bolognas, Cagliarit dhe Parmas.
