Lufta në Ukrainë me kalimin e kohës do të shkaktojë edhe krizën e parë globale energjetike të këtij lloji dhe kombet në mbarë botën duhet të përgjigjen duke reduktuar përdorimin e naftës dhe gazit.
Sipas asaj që raporton Index Spectator që e citon edhe Neë York Times pasojat e pushtimit rus të Ukrainës ka të ngjarë të intensifikohen gjatë disa muajve të ardhshëm duke sjellë kështu probleme të rënda në këtë sektor kaq të rëndësishmë ekonomik.
Fatih Birol, drejtori ekzekutiv i agjencisë është shprehur se kjo krize energjie mund të përfshijë vec naftës edhe gazin natyror,- i cili ndikon në transportin dhe energjinë elektrike duke ngritur kështu shqetësimin për furnizim në një pjesë të madhe të vendeve si dhe duke ndikuar në tregjet globale.
Agjencia rekomandoi 10 hapa të menjëhershëm që kombet mund të ndërmarrin për të kursyer naftën, të tilla si: njerëzit të punojnë nga shtëpia deri në tre ditë në javë, të zgjedhin të marrin për në punë trena, të shkurtojnë udhëtimet me aeroplanë kur është e mundur. Masat e rekomanduara përfshijnë gjithashtu të dielat pa makina në qytete, përdorimin e karburantit të gjelbër etj.
Nëse ekonomitë e përparuara zbatojnë të 10 rekomandimet, ato mund të ulin kërkesën për naftë me 2.7 milionë fuçi në ditë. Në Bashkimin Evropian, i cili vitet e fundit ka marrë rreth 40 për qind të gazit natyror dhe më shumë se një të katërtën e naftës së papërpunuar nga Rusia, udhëheqësit kanë inkurajuar qytetarët të kursejnë energjinë.
Presidentja e BE, Ursula von der Leyen u ka kërkuar europianëve që të gjithë tanimë mund të bëjnë diçka. Biden u ka kërkuar kompanive të naftës që të rrisin prodhimin. Në terma afatgjatë, thonë zyrtarët e administratës, Shtetet e Bashkuara duhet të bëjnë një tranzicion mes lëndëve djegëse fosile dhe të zhvillojnë më shumë burime të energjisë diellore, të erës dhe të tjera të pastra.
Ndërsa vendet perëndimore përpiqen të merren me krizën humanitare dhe problemet e energjisë që rezultojnë nga lufta në Ukrainë, Birol është shprehur se përveç kësaj krize ekziston edhe një tjetër krizë ajo klimatike. Kreu i kësaj agjensie ka bërë të ditur se 10 masat që janë në tryezë vec krizës në tregun e naftës japin zgjidhje edhe për objektivat klimatike.
/b.h
