Kina ka mundur SHBA-në kur fjala vjen në inxhinierinë gjenetike. Operacioni i parë duke përdorur metodën Crispr (“prit dhe ngjit”) është bërë në një universitet kinez dhe ka patur sukses.
Onkologu Lu You ka arritur që të heqë nga një pacient që vuante nga tumori i kancerit një sërë qelizash të sistemit imunitar. Më pas, përmes teknikës Crispr, ka modifikuar gjenomet e këtyre qelizave (duke “prerë” ato të infektuarat dhe duke i “ngjitur” disa të shëndetshme) në mënyrë që kanceri të luftohet agresivisht nga sistemi imunitar.
Kjo teknikë revolucionare pritet që të sjellë ndyrshime jo të vogla në mjekësi, teksa tashmë ekipi i shkencëtarëve kinezë duhet të presë rreth 6 muaj për të parë rezultatet e këtij operacioni.
Por nga ana tjetër, metoda Crispr nuk është parë nga të gjithë si diçka pozitive, pasi efektivisht, e çon njeriun një hap më pranë modifikimit gjenetik. Vitet e fundit, bio-gjenetika mbetet njëra ndër fushat më të debatuara në vendet e zhvilluara, pasi ajo mund të ndryshojë rrjedhën biologjike e natyrale të njeriut…/java/a.k
