Disa prindër në Jemen janë detyruar që të “shesin” vajzat e tyre të vogla për t’i shpëtuar ato nga uria.
Konflikti i përgjakshëm atje duket se është shoqëruar me pasoja të rënda.
Katastrofa humanitare e shkaktuar nga njeriu, pra lufta brutale në Jemen detyron prindërit të shesin vajzat e tyre deri në moshën 3-vjeçare me shpresën se do mbijetonin në familjen ku do shkonin, tha organizata bamirëse ndërkombëtare Oxfam.
Familjet përdorin paratë që shesin fëmijët për të blerë ushqim dhe për t’u strehuar.
“Ata mendojnë se është e vetmja mënyrë për të mbijetuar”, tha drejtori i Oxfam për Jemenin, Muhsin Siddiquey.
“Dhëndri sjell pajën dhe kjo shikohet si mënyrë për të mbajtur familjen”.
Ai shtoi se janë mbi 10 milionë njerëz në Jemen në prag të zisë së bukës. Ndërsa theksoi se katër vitet e luftës sollën krizën më të keqe të kolerës në shekullin e fundit.
/a.rada
