Inteligjenca e Shtetet e Bashkuara raporton se mbledhur informacione specifike që hedhin dyshime mbi idenë se Irani ishte i përfshirë drejtpërdrejt në planifikimin, dhënien e burimeve ose miratimin e sulmit të përgjakshëm të së shtunës ndaj Izraelit nga Hamasi.
Sipas CNN, komuniteti i inteligjencës nuk është gati për të arritur një përfundim të plotë pasi janë ende në hetime dhe mbledhjen e provave të përfshirjes iraniane në sulmin që kapi në befasi si Izraelin ashtu edhe Shtetet e Bashkuara.
Përveç kësaj, që nga sulmi, zyrtarët qeveritarë kanë theksuar të gjithë mbështetjen e rëndësishme të Iranit për Hamasin, duke përfshirë armët dhe financimin, që do t’i kishte ndihmuar ata edhe nëse jo në mënyrë të drejtpërdrejtë.
Burime për CNN thanë se kjo pjesë e inteligjencës ka bërë që analistët amerikanë të anojnë drejt një vlerësimi fillestar, se qeveria e Iranit nuk luajti një rol të drejtpërdrejtë në sulm.
Për ditë të tëra, zyrtarë të lartë amerikanë kanë thënë publikisht se nuk kanë asnjë tregues se Irani ishte i përfshirë drejtpërdrejt në sulm, edhe pse ata e kanë dënuar Teheranin si gjerësisht “bashkëpunëtor” në sulm, për shkak të mbështetjes së tij historike për Hamasin.
“Ne po kërkojmë të marrim informacione të mëtejshme. Nuk kemi të dhëna ende për mbështetjen e Iranit ndaj Hamasit,” u tha gazetarëve në Shtëpinë e Bardhë këshilltari i sigurisë kombëtare Jake Sullivan.
Irani ka qenë për vite me radhë mbështetës kryesor i Hamasit, duke i ofruar atij dhjetëra miliona dollarë, armë dhe komponentë të kontrabanduar në Gaza, si dhe mbështetje të gjerë teknike dhe ideologjike.
Por Hamasi ruan një shkallë të pavarësisë nga regjimi iranian. Teherani nuk ka këshilltarë në terren në Gazën e bllokuar, sipas ish-zyrtarëve të sigurisë dhe analistëve të tjerë rajonalë, dhe nuk komandon aktivitetet e grupit./m.j
