Tridhjetë e tetë xhihadistë të dënuar me vdekje u ekzekutuan sot në burgun e Nassiriya, në jug të Irakut, ka bërë të ditur një zyrtar i lartë. Ky është numri më i madh i ekzekutimeve në Irak prej rastit të 42 të dënuarve me vdekje më 25 shtator në të njëjtin burg.
“Administrata e burgjeve ekzekutoi sot në prani të ministrit të Drejtësisë, Haïdar al-Zameli, në burgun e Nassiriya, 38 të dënuar me vdekje që i përkisnin Al-Kaedës dhe Daeshit (ISIS) të akuzuar për kryerjen e aktiviteteve terroriste”, deklaroi Dakhel Kazem, zëvendësdrejtor i Komisionit të sigurisë në Këshillin provincial.
”Këto ekzekutive u kryen pas konfirmimit të verdiktit dhe vendimit të Këshillit presidencial, që pritet të japë miratimin e tij”, bëhet e ditur në një deklaratë të Ministrisë së Drejtësisë, përcjell Atsh.
Amnesty International dënoi ekzekutivet në Irak, dhe klasifikoi vendin në mesin e atyre ku numri i ekzekutiveve është mjaft i lartë duke e renditur pas Kinës, Iranit dhe Arabisë Saudite.
ma.me
