Sipas informacioneve të mbledhura nga Instituti Meksikan në Qendrën “Wilson” në SHBA, grupe të ndryshme kriminale po luftojnë për të marrë në kontroll tunelet e e famshëm të El Chapo-s, të cilat janë burim i të ardhurave të sigurta.
Duncan Wood, drejtor i Institutit Meksikan, tha për mediat se “Në kufirin mes SHBA dhe Meksikës mund të jenë 10 deri në 50 tunele që El Chapo përdorte pë transportimin e drogës dhe që ende janë të përdorshëm.”
Pas dërgimit të El Chapo pas hekurave përjetë, tunelet e famshme të ndërtuara prej tij kontrollohen ende nga një kartel i vetëm, por shpesh ata “i japin me qira” dhe përfitimi është shumë i madh.
Fal përfitimit, logjistikës dhe vendodhjes gjeografike, tunelet janë bërë të lakmuara nga të gjitha grupet kriminale.
Tetorin e kaluar DEA zbuloi dhe mbylli një tunel të papërfunduar në një qytezë më pak se dy kilometra brenda territorit amerikan. Tuneli ishte tepër modern, deri dhe me panele diellore.
El Chapo, 62-vjeç, u shpall fajtor në shkurt për trafik kokaine me vlerë 12 miliardë dollarë në SHBA, si dhe heroinë e kanabis, duke drejtuar të ashtuquajtur Kartelin e Sinaloas.
g.kosovari
