Disa të shtëna me armë zjarri mesditën e së mërkurës, terrorizuan banorët e qytetit të Shkodrës në lagjen “Parrucë”.
Teksa fillimisht policia tha për të shtëna me armë zjarri në ajër, dalin detaje të reja.
Nga hetimet e kryera rezulton se 23-vjeçari Gledis Ustabeqiri dhe shoku i tij Hygert Muçaj, teksa lëviznin me makinë tip ML me targa AA 250 VH, i kanë bërë pritë 32-vjeçarit Taulant Ahmeti.
Ata kanë pritur sa Ahmeti ka zbritur nga makina dhe aty i janë afruar me armë në dorë, duke hasur në rezistencën e tij. Në këtë moment Muçaj e ka qëlluar me një shufër hekuri në kokë, duke i shkaktuar dëmtime të shumta.
Por Ahmeti ka bërë rezisstencë, duke bërë që 23-vjeçari Ustabeqiri të qëllojë me armë, por fatmirësisht plumbat nuk e kanë prekur.
Ustabeqiri dhe Muçaj janë shpallur në kërkim nga policia, ndërkohë që ngjarja është zbardhur nga dëshmia e Ahmetit, i cili ka treguar gjithçka. Mirëpo lidhur me motivin e krimit, ai nuk ka dhënë detaje.
/a.r
