Sulmuesi veteran, Luca Toni ka insistuar se nuk do ta lë futbollin derisa nuk do të jetë në gjendje të shënojë gola. Italiani është duke u përgatitur për sezonin e tij të 22-të si profesionist. 38-vjeçari ka thyer rekord si lojtari më i moshuar që ka fituar Këpucën e Artë pasi sezonin e kaluar realizoi 22 gola për Hellas Verona dhe vetëm Lionel Messi e Cristiano Ronaldo kanë realizuar më shumë gola sesa Ton.
“Do të pensionohem atëherë kur do të realizoj vetëm tre gola në sezon. Do të jetë e vështirë të realizoj aq gola sa sezonin e kaluar, por gjithmonë jam i gatshëm për sfida të reja”, ka thënë Toni. Toni së bashku me ekipin e tij nesër do të fillojë kampanjën në Serie A ndaj Romës.
