Miratimi i reformës në drejtësi, detyrim ndaj qytetarëve shqiptarë. Ky ishte mesazhi i dhënë nga Sekretari i Përgjithshëm i LSi Luan rama në fjalën e mbajtur gjatë Konventës së kësaj force në Gjirokastër.
Po ashtu, ai tha midis të tjerash se klasa politike duhet të dëshmojë përpara opinionit publik dhe atij ndërkombëtar që dinë të bëjmë zgjedhjet më të mira të mundshme për Shqipërinë.
“Reforma në drejtësi do të bëhet për të garantuar standarde evropiane të drejtësisë në këtë vend. Për të garantuar shërbim evropian për qytetarët dhe ndëshkim evropian për këdo që nuk respekton ligjin. Roli i LSI do të jetë roli që do ta çojë Shqipërinë në rrugën e integrimit evropian të vendit. Reformat janë të pakthyeshme dhe do të kurorëzohen me sukses.”- deklaroi Luan Rama./a.m.
