Kryetari i grupit parlamentar të LSI u pyet sot sa i përket pjesëmarrjes në zgjedhjet e Kavajës. Luan Rama tha se anëtari i ZAZ është regjistruar për të mos bllokuar funksionin e Komisionit të Administrimit të Zgjedhjeve, por kjo nuk tregon pjesëmarrjen e LSI.
“Nuk do të jemi pjesë e zgjedhjeve në Kavajë. Anëtari i KZAZ që është pjesë e administratës zgjedhore, ka shkuar në këtë KZAZ për të mos bllokuar funksionimin. Ne nuk jemi pjesë e procesit as për ta mbështetur dhe as për ta votuar kandidatin e PS. Unë nuk merrem me llogje Kavaje” – tha Luan Rama.
I pyetur për lajmin se PS dhe LSI kanë arritur një marrëveshje mbrëmjen e djeshme për vijimin e koalicionit, Luan Rama e mohoi një gjë të tillë duke e cilësuar si lajm të rremë.
“Kush ju tha që ka një marrëveshje? Forumet tona do të mblidhen për të vendosur. Po qe nevoja do të thërrasim edhe Asamblenë Kombëtare” – tha kreu i Grupit LSI. /javanews/b.d
