Nënkryetari i LSI-së Luan Rama doli në një komunikim për mediat nga selia e kësaj force ku ai komentoi exit-pollet që e nxjerrin PS fituese të zgjedhjeve me mbi 71 mandatë. Ai i cilësoi ato si përpjekje për të manipuluar procesin. Luan Rama tha se në Tiranë Lsi rezulton forcë e parë në 7 njësi të qytetit.
“Nga komunikimi me grupet e vëzhgimit, vetëm në qytetin e Tiranës, në 11 njësitë administrative të saj kalon mbi 100 mijë, ndërkohë, në qarkun e Tiranës rezultati i projektuar nga ne është 5 herë më i lartë se sa viti 2013. Në 7 prej njësive LSI rezulton të jetë forcë e parë dhe mbi këtë bazë, me lejoni të përgënjeshtroj çdo përpjekje të dëshpëruar për manipulimin e procesit me sondazhe dhe exit-polle të fabrikuara. Rilindja shkon në opozitë. Shqipëria votoi kundër kanabisit, kundër krimit, kundër arrogancës, kundër poshtërsisë në pushtet”, deklaroi Luan Rama/a.m.
