Nga Dritan Hila
Nëse ka efekt protesta e PD, mund të thuhet se minimalisht të parin e ka dhënë.
Disa importues mallrash industriale kanë filluar të shtyjnë daten e ardhjes së porosive për periudhën e vjeshtës, me shpresë se klima politike do përmirësohet.
Ndërkohë kush merr grante ne Shqiperi, e di që ato jane pezulluar deri në nje çast më të përshtatshëm.
Në Fier deputeti i PD, organizoi protestë kunder vizitës së Ramës në stilin e Pal Dajçit në Laç, qëmoti.
Nëse do të favorizohet me votë shkaktari i trazirave, kjo mbetet të shihet. Në të shkuarën nuk ka ndodhur.
Ndërkohë disa nga të mosbindurit e PD dhe LSI të cilët kanë një numër të konsiderueshëm votash si Murrizi dhe Maliqi nga PD, apo Rrushi dhe Roshi nga LSI kanë filluar të orientojnë votat e tyre.
E cila në këtë rast nuk është partia e origjinës. A do jenë në gjendje ish partitë e tyre t’i kompensojnë këto largime me vota gri? Kjo edhe ndodh, por jo nga qytetarë që kanë ende kujtimet e ‘97-ës.
Derimë tani Murrizi ka bllokuar PD në Lushnjë.
Nderkohë fushata elektorale ka filluar. Herë me sebepe festash dhe herë protestash, nxehmja po bëhet. Kemi pak a shumë të njëjtin stil fushate. Është normale që Rama nuk e ndryshon: i veshur me tuta, mes turmave duke kërcyer tallava. Para dy vjetësh i dha rezultatin që PS nuk e kishte arritur nga ‘97-ta.
Në krahun tjetër Basha është ende në stilin e vjetër me pantallona të hekurosura me vijë dhe këmishë të stilit klasik të mbërthyer tek mëngët dhe deri tek kopsa e parafundit në qafë. Stil tepër i vjetër për të ndezur edhe 50 vjeçaret.
Kurse Kryemadhi në anën tjetër po përpiqet të imitojë bashkëshortin. Stili i fortë i Metës në 2017, i dha rezultat duke marrë si asnjëherë më parë 19 deputetë.
Por deri më tani njerëzit janë në pritje. Ata që janë perfshire nga kërcimet e Ramës, apo kërcënimet e PD, janë vetëm militantët respektivë. Beteja e vërtetë ende nuk ka filluar.
