Zbulohet lista e veteranëve të Kombëtares Shqiptare që do të marrin pjesë në organizimin madhështor që do të bëhet më 10 janar në stadiumin “Air Albania”, ku synohet të mblidhen sa më shumë të ardhura për të prekurit nga tërmeti.
Ka qenë vetë Andi Lila, që është edhe njëri prej nismëtarëve të këtij organizimi, që ka publikuar listën e futbollistëve që do të përfaqësojnë Shqipërinë dhe ku bëjnë pjesë emra si Tare, Cana, Rraklli, Strakosha, etj., si dhe dy ish futbollistë shqiptarë nga Maqedonia e Veriut si Nderim Nexhipi dhe Artim Shaqiri.
Në këtë organizim do të marrin pjesë veteranët kampionë bote me Italinë në vitin 2006, veteranët e Turqisë që bënë një ecuri fantastike në Botërorin e 2002-shit dhe kampionët grekë të Europës më 2004-ën.
Ja lista e Shqipërisë:
Foto Strakosha, Lorik Cana, Edvin Murati, Alban Bushi, Igli Tare, Altin Lala, Besnik Hasi, Altin Rraklli, Erjon Bogdani, Arjan Beqaj, Artim Shaqiri (Maqedoni e Veriut), Klodian Duro, Ervin Bulku, Armend Dallku, Nevil Dede, Debatik Curri, Hamdi Salihi, Redi Jupi, Nderim Nexhipi (Maqedoni e Veriut) dhe Adrian Aliaj. Trajner: Ilir Shulku.
