Pas takimit kokë më kokë që ka patur me ish kryeministrin Berisha, Ambasadori Donald Lu i është drejtuar selisë blu për të zhvilluar një takim me kreun e PD-së Lulzim Basha.
Në fokus të diskutimeve përveç reformës në drejtësi është dhe thirrja për armë që bëri dje në foltoren e parlamentit ish kryeministri Berisha.
Pritet që sot Lulzim Basha të japë dhe qëndrimin zyrtar të PD-së në lidhje me çështjen, teksa më parë, në një dalje publike, Kryeministri Rama e cilësoi deklaratën e Berishës si orvatjet më ekstreme për të bllokuar reformën në drejtësi. Rama dha dhe një mesazh për prokurorinë, duke thënë se në cdo vend normal, Berisha duhej të ishte ndaluar dhe arrestuar.
Po këtë të premte pritet që Byroja e Parlamentit të japë vendimin nëse do të përjashtojë apo jo me 10 ditë Berishën nga kuvendi. Kërkesa është dërguar nga deputetët e PS-së ditën e djeshme.
