Ambasadori amerikan, Donald Lu, përmendi sot shkarazi një detaj dhe faktin se imazhi i sotëm i gjyqtarëve të korruptuar, është ai me orë të markës Cartier.
Kohë më parë, mediat kanë shkruar për faktin se nje gjyqtar është koleksionues i veshjeve, aksesorëve dhe të tjera prodhime të Cartier.
Pjesë nga fjala e Donald Lu:
“Kini besim se ndryshimi po vjen. Besoj se pjesa më e madhe e gjyqtarëve janë profesionistë që duan të jenë krenarë për profesionin e tyre. E di që është e vështirë të jesh gjyqtar i ndershëm në Shqipëri. Nuk punon për shumë para dhe ka trysni në çdo drejtim për të marrë vendime. Gjyqtarët e ndershëm si ju meritojnë të punojnë në një sistem që shpërblen integritetin, meritoni të promovoheni në bazë të meritës dhe përvojës dhe të bëheni simboli i meritës dhe së drejtës në Shqipëri në vend të imazhit të sotëm të gjyqtarëve të korruptuar që mbajnë ora Cartier”.
***
10:13 – Ambasadori amerikan Donald Lu dhe ajo e Bashkimit Evropian, Romana Vlahutin, morën pjesë sot në Konferencën Gjyqësore ku u diskutua zbatimi i reformës në Drejtësi.
Në fjalën e saj, Vlahutin tha se reforma nuk është kundër gjyqtarëve.
Nga ana tjetër, ambasadori Lu foli gjatë gjithë kohës anglisht, si rrallë herë. Ai përmendi rastin e gjyqtarit Gjin Gjoni duke perifrazuar orën e markës Cartier.
Ndërkohë, Lu mori një shembull për ta përmbledhur se çdo të thotë të jesh gjyqtar i korruptuar. Sipas tij, prova me korrupsionin është shumë e thjeshtë.
“Nëse keni marrë ndonjëherë para ose favore në shkëmbim të një vendimim, je një gjyqtar i korruptuar. Nëse ulni kokën dhe shifni në dorën tuaj një orë që kushton më shumë se makina ime, ka të ngjarë të jeni i korruptuar” – tha ambasadori Lu.
Ndërkohë, Lu kishte edhe një mesazh për gjyqtarët e ndershëm. Ai tha: “Kini besim, ndryshimi po vjen”.
Më pas ambasadori amerikan në Tiranë u drejtohet edhe gjyqtarëve të ndershëm: “Kini besim se ndryshimi po vjen. Besoj se pjesa më e madhe e gjyqtarëve janë profesionistë që duan të jenë krenarë për profesionin e tyre. E di që është e vështirë të jesh gjyqtar i ndershëm në Shqipëri. Nuk punon për shumë para dhe ka trysni në çdo drejtim për të marrë vendime. Gjyqtarët e ndershëm si ju meritojnë të punojnë në një sistem që shpërblen integritetin, meritoni të promovoheni në bazë të meritës dhe përvojës dhe të bëheni simboli i meritës dhe së drejtës në Shqipëri në vend të imazhit të sotëm të gjyqtarëve të korruptuar që mbajnë ora Cartier”.
(javanews.al / r.a)
