Ministrja e Mbrojtjes, Mimi Kodheli, ka marrë sot një letër falenderimi nga ambasadori i Shteteve të Bashkuara të Amerikës në vendin tonë, Donald Lu.
Në një njoftim për mediat sot pasdite nga ministria e Mbrojtjes, thuhet se “Në letrën e tij, z. Lu e falenderon ministen Kodheli për punën e saj “të jashtëzakonshme gjatë katër viteve të drejtimit të ministrisë së Mbrojtjes si një aleat i ngushtë i NATO.” Ambasadori Lu thekson forcimin e bashkëpunimit ushtarak nën lidershipin e znj. Kodheli, si dhe çuarjen përpara të objektivave të përbashkëta.
Në fund, ambasadori amerikan vlerëson kontributin e ministres Kodheli për Forcat e Armatosura të Republikës së Shqipërisë, por edhe për marrëdheniet Shqipëri-SHBA.
Letra e plotë e ambasadorit amerikan z. Donald Lu drejtuar ministres Kodheli:
E nderuara ministre Kodheli,
Ne emër të kolegëve në Washington dhe ambasadës amerikane në Tiranë më lejoni Τ’ju përgëzoj për punën Τuaj të jashtëzakonshme gjatë katër viteve të drejtimit të ministrisë së Mbrojtjes si një aleat i ngushtë NATO. Nën lidershipin Tuaj ne kemi përparuar në bashkëpunimin tonë ushtarak përmes mbështetjes që i kemi dhënë lidershipit të NATO-s në Evropë dhe Afganistan dhe kemi çuar përpara objektivat tona të përbashkëta për rritjen e shpenzimeve të mbrojtjes për të gjithë Aleancën.
Ka qenë kënaqësi të punuarit me ju gjatë detyrës suaj si ministër i Mbrojtjes dhe shpresojmë që në të ardhmen të kemi dhe bashkëpunime të tjera. Ne vlerësojmë çfarë Ju keni bërë për Forcat e Armatosura të Republikës së Shqipërisë, por gjithashtu për marrëdheniet Shqipëri-SHBA. Donald Lu. /b.d
